LuangPrabang World Heritage

  •  
  •  
  •  

Font Size

Layout

Menu Style

Cpanel

ສະພາບລວມ

map s1   ຫຼວງພະບາງ ເປັນນື່ງໃນບັນດາແຂວງພາກເໜືອແຫ່ງ ສ.ປ.ປ.ລາວ ຊື່ງຕັ້ງຢູ່ຫ່າງຈາກ ນະຄອນຫຼວງວຽງຈັນ ປະມານ 400 ກມ. ພົນລະເມືອງຂອງແຂວງ ໃນປະຈຸບັນມີປະມານ 430,000 ຄົນ, ຊື່ງປະກອບດ້ວຍ 12 ຊົນ ເຜົ່າ. ສະເພາະເມືອງຫຼວງພະບາງ ເອງແມ່ນມີພົນລະເມືອງ ປະມານ 56,000 ຄົນ ແລະ ໃນເຂດປົກປັກຮັກສາ ມໍລະດົກ ມີ 24,000 ຄົນ. ຫຼວງພະບາງ ຕັ້ງຢູ່ເທິງສະຖານທີ່ດີເລີດ, ເປັນບ່ອນຄົບກັນ ຂອງແມ່ນ້ຳຄານ ດ້ານນື່ງໄຫຼໄປປ່ອງໃສ່ແມ່ນ້ຳຂອງອີກດ້ານນື່ງ , ແມ່ນ້ຳສອງສາຍ ໄດ້ດົນບັນດານສ້າງເປັນແຜ່ນດິນ ແຫຼມຍວດ ຊື່ງມີ ຄວາມກວ້າງ 300 ມ ແລະ ຍາວ 01 ກມ ຢູ່ທ່າມກາງທົ່ງອັນກວ້າງໃຫຍ່ ໄພສານທີ່ອ້ອມດ້ວຍພູຜາປ່າດົງ ທີ່ເລົ່າລືກັນມາ (ພູທ້າວ, ພູນາງ, ພູຊ້າງ, ພູຊວງທີ່ຂຽວອຸ່ມທຸ່ມ) ແລະ ທ່າມກາງສັບພະສິ່ງ ທັງຫຼາຍ ທີ່ມີສະເໜ່ ໜ້າປະທັບໃຈ ຮ້ອຍອັນພັນຢ່າງ ເຊັ່ນ: ຖ້ຳຕິ່ງ , ຖ້ຳນ້ຳທ່ຽງ, ຖ້ຳນາງອັ່ນ, ຕາດກວາງຊີ ຕາດແສ້

    ໃນໃຈກາງຕົວເມືອງປະຫວັດສາດ ຍັງມີພູສີ ອັນສັກສິດ ຕັ້ງສະຫງ່າງາມ ຊື່ງເຊີນຊວນໃຫ້ທຸກຄົນຂຶ້ນໄປຊົມ ທັດສະນີຍະພາບ ອັນຫຍີ່ງໃຫຍ່ ຂອງຕົວເມືອງລວມທັງປູສະນີຍະສະຖານ ຍຸກກ່ອນປະຫວັດສາດ ບ້ານຊຽງເຫຼັກ (3500 ປີ ກ່ອນ ຄສ ) ແລະ ທີວທັດທຳມະຊາດ ອັນສະຫວາດສະເຫວີຍ, ທຸກສິ່ງເລົ່ານີ້ໄດ້ປະດັບເອ້ ແລະ ເພີ້ມສີສັນ ຄວາມງາມ ແລະ ຄວາມມີສະເໜ່ ໃຫ້ແກ່ວັດທະນະທຳ ບັນດາເຜົ່າ ຂອງເມືອງນີ້.ອີງຕາມ ຕຳນານພື້ນເມືອງ ທີ່ເລົ່າ ຂານກັນມາແລ້ວ, ນະຄອນ ແຫ່ງນີ້ໄດ້ມີຜູ້ຄົນ ສ້າງຕັ້ງຫຼັກ ແຫຼ່ງ ສະຖາປານາຂຶ້ນຕັ້ງແຕ່ ສະຕະຫວັດທີ່ V ຂອງຄິດຕະສັກກະລາດແລ້ວ.

view town s   ຫຼວງພະບາງ ຊຶ່ງບາງຄັ້ງບາງຕອນ ກໍ່ໄດ້ຮັບການຂະໜານນາມ ວ່າເປັນ ນະຄອນແຫ່ງພະຍານາກ 15 ຕະກຸນ ຊຶ່ງມາຈາກຄຳວ່າ ນາຄະຫຸດ ທີ່ໝາຍເຖິງງູໃຫຍ່ ຫຼື ວ່າເງືອກ ທີ່ມີລິດເດດ ໃນເທບນິຍາຍ ທັງເປັນສັນຍາລັກ ແຫ່ງກຳລັງແຮງ ອີກ, ບາງຄັ້ງກໍ່ເຊື່ອວ່າ ນະຄອນແຫ່ງ 65 ວິຫານ ຫຼື ອັນຍະມະນີ ແຫ່ງ ອາຊີຕາເວັນອອກ ສຽງໃຕ້ ໃນເວລາຕໍ່ມາ.

  ອີງຕາມ ຕຳນານອັນເກົ່າແກ່ທີ່ມີການຢັ້ງຍືນ ອີກວ່າ ໃນສະຕະ ວັດທີ VII ເມືອງຊວາ ເປັນຊື່ທຳອິດຂອງນະຄອນແຫ່ງນີ້. ລາດຊະ ວົງ ຂຸນເຈືອງ ໄດ້ປົກ ຄອງ ຫຼວງພະບາງ ມາໄດ້ພຽງແຕ່ສີ່ອົງກະສັດ ເທົ່ານັ້ນ ກໍ່ໄດ້ຖືກໂຄນ ລົ້ມລົງ ໃນສະຕະວັດ ທີ VIII ໂດຍ ຂຸນລໍໜຶ່ງໃນ ພະລາດຊະໂອລົດ ທັງເຈັດອົງ ຂອງ ຂຸນບູລົມ.

  ໄລຍະຕໍ່ມາ ກໍ່ໄດ້ມີການປ່ຽນຊື່ເມືອງມາເປັນ ເມືອງລ້ານຊ້າງ, ຫຼື ເມືອງ ລ້ານຊວາ ແລ້ວມັກເອີ້ນກັນວ່າ ເມືອງຊວາ“. ຕໍ່ມາໃນຊ່ວງສະຕະວັດ ທີ່ XIII ຫາ XV , ຫຼວງພະບາງ ຍັງມີຊື່ ເອີ້ນອີກວ່າເມືອງຊຽງດົງ ຊຽງທອງ.

phangum sprabang1 s  ການຮຽກຊື່ຄັ້ງຫຼັງສຸດນີ້ຢູ່ໃນນິທານທີ່ເລົ່າສືບຕໍ່ກັນມາວ່າ ແມ່ນ ລືສີສອງອົງເປັນຜູ້ກຳ ນົດໝາຍ ເຂດແດນຂອງສະຖານທີ່ ຈະສ້າງຕັ້ງ ຕົວເມືອງ ໃນອະນາຄົດຂື້ນ, ຢູ່ທາງທິດໃຕ້ໄດ້ ເລືອກເອົາ ຫ້ວຍນ້ຳດົງ ເປັນເຂດ, ນ້ຳຫ້ວຍນີ້ ໄຫຼອອກຈາກ ພູນ້ອຍ ໜ່ວຍໜຶ່ງທີ່ມີຮູບລັກສະນະ ຄືກັບກອງ ເຂົ້າຢູ່ຕາມທົ່ງນາ. ສ່ວນທາງທິດເໜືອໄດ້ເລືອກເອົາ ກົກທອງໃຫຍ່ເປັນ ຂີດໝາຍ, ຈຶ່ງເປັນທີ່ມາ ຂອງການ ເອີ້ນຊື່ ນະຄອນຊຽງດົງ ຊຽງທອງ”.

  ໃນທີ່ສຸດ ພວກເຮົາ ກໍ່ສາມາດຢັ້ງຢືນໄດ້ວ່າ ຄວາມຫຍີ່ງໃຫຍ່ທີ່ແທ້ຈິງ ຂອງ ຫຼວງພະ ບາງ ແມ່ນເລີ້ມຕົ້ນ ຂຶ້ນໃນສະຕະວັດທີ XIV, ນັບຕັ້ງແຕ່ ລາຊະການ ຂອງ ເຈົ້າຟ້າງຸ່ມ ມະຫາລາດ ເປັນຕົ້ນມາ. (ເຈົ້າຊີວິດອົງທຳອິດ ຂອງ ອານາຈັກລາວ ລ້ານຊ້າງແຕ່ ປີ 1316 ຫາ ປີ 1373)

prabang s   ໃນປີ 1358 ເຈົ້າຟ້າງຸ່ມ ໄດ້ອັນເຊີນ ເອົາພະບາງ ເຊິ່ງເປັນ ພະພຸດທະຮູບ ສັກສິດ ທີ່ທາງເຈົ້າຊີວິດປະເທດກຳປູເຈຍ ໄດ້ຖະຫວາຍໃຫ້ນັ້ນ ມາໄວ້ທີ່ເມືອງ ວຽງຄໍາ ( ເມືອງ ໂພນໂຮງ, ແຂວງວຽງ ຈັນ )ແລະໃນປີ 1489 ພະບາງ ກໍ່ໄດ້ຖືກ ອັນເຊີນ ໄປປະດິດ ສະຖານ ໄວ້ທີ່ເມືອງ ຊຽງທອງ ເພື່ອເປັນທີ່ ສັກກະລະ ບູຊາ ນັບຖື ຂອງປະຊາຊົນ. ຫຼັງຈາກນັ້ນ ຊື່ ຂອງ ເມືອງ ກໍ່ໄດ້ປ່ຽນມາ ເປັນເມືອງຫຼວງພະບາງຕາມຊື່ ຂອງ ພະພຸດ ທະຮູບຕັ້ງແຕ່ນັ້ນມາ.  

 

Comments   

+1 #3 Bounthieng 2015-06-19 02:18
Good website.
Not sure if it is link to Luang Prabang tourism website?
Quote
+1 #2 kermoua 2014-07-11 05:08
ดีหลย
Quote
+1 #1 Souvalith 2014-01-28 08:26
very good
Quote

Add comment


Security code
Refresh

ໃຫ້ກຳລັງໃຈ ແລະ ຕິດຕາມພວກເຮົາໄດ້ທີ່

faceTwitter

ທ່ານກຳລັງຢູ່ທີ່: ຫນ້າທຳອິດ ສະພາບລວມ