LuangPrabang World Heritage

  •  
  •  
  •  

Font Size

Layout

Menu Style

Cpanel

“ກອງປະຊຸມຄະນະກຳມະການ ລະດັບທ້ອງຖີ່ນ ເພື່ອມໍລະດົກໂລກ ຫຼວງພະບາງ ປະຈຳປີ 2018”

ໃນຕອນເຊົ້າຂອງວັນທີ່ 09/03/2018 ທີ່ຫ້ອງການມໍລະດົກໂລກ ຫຼວງພະບາງ ໄດ້ຈັດກອງປະຊຸມ ຄະນະກຳມະການ ລະດັບທ້ອງຖີ່ນ ເພື່ອມໍລະດົກໂລກ ຫຼວງພະບາງ ໂດຍພາຍໃຕ້ການເປັນປະທານ ຂອງທ່ານ ວົງສະຫວັນ ເທບພະຈັນ ຮອງເຈົ້າແຂວງໆຫຼວງພະບາງ, ຄະນະກຳ ມະການ ລະດັບທ້ອງຖີ່ນ ເພື່ອມໍລະດົກໂລກ ຫຼວງພະບາງ. ໃຫ້ກຽດເຂົ້າຮ່ວມ ກອງປະຊຸມໃນຄັ້ງນີ້ມີ : ທ່ານ ສຸກັນ ບຸນຍົງ ເຈົ້າເມືອງ ເມືອງຫຼວງພະບາງ ຄະນະປະຈຳພັກແຂວງ, ຫົວໜ້າ, ຮອງຫົວໜ້າ ພະແນກການ, ອົງການ ທີ່ເປັນຄະນະກຳມະການ ລະດັບທ້ອງຖິ່ນ ເພື່ຶອມໍລະດົກໂລກ ແລະ ວິຊາການ ຂອງຫ້ອງການມໍລະດົກໂລກ ຫຼວງພະບາງ ຈຳນວນໜຶ່ງເຂົ້າຮ່ວມ ລວມທັງໝົດ 19 ທ່ານ, ຍີງ 0 ທ່ານ.

ຈຸດປະສົງ ໃນການຈັດກອງປະຊຸມໃນຄັ້ງນີ້ແມ່ນເພື່ອ ລາຍງານກ່ຽວກັບ ການຈັດຕັ້ງປະຕິບັດ ການຄຸ້ມຄອງການປົກປັກຮັກສາ ແລະ ການພັດທະນາ ຫຼວງພະບາງ ເມືອງມໍລະດົກໂລກ ໃນໄລຍະປີ 2017 ທີ່ຜ່ານມາ ແລະ ບາງວຽກງານທີ່ສຳຄັນດັ່ງລຸ່ມນີ້:

-    ການຈັດຕັ້ງປະຕິບັດວຽກງານປົກປັກຮັກສາມໍລະດົກໂລກ

-    ການຈັດຕັ້ງປະຕິບັດວຽກງານຄຸ້ມຄອງການປຸກສ້າງ ແລະ ສ້ອມແປງ

-    ການຈັດຕັ້ງປະຕິບັດບັນໂຄງການທີ່ໄດ້ຮັບການຊ່ວຍເຫຼືອລ້າ ຈາກຕ່າງປະເທດ

-    ສິ່ງທ້າທາຍຕໍ່ການປົກປັກຮັກສາ ມໍລະດົກໂລກ ຫຼວງພະບາງ

-    ລາຍງານ ບາງທິດທາງແຜນການໃນຕໍ່ໜ້າມີຄື:

  • ສືບຕໍ່ໂຄສະນາວຽກງານມໍລະດົກໂລກ ດ້ວຍການລົງລະອຽດສະເພາະນັກທຸລະກິດຊາວຫວຽດນາມ ແລະ ຈີນ.
  • ຈັດກອງປະຊຸມເຜີຍແຜ່ກົດລະບຽບຄຸ້ມຄອງປົກປັກຮັກສາມໍລະດົກໂລກ ແລະກົດລະບຽບຜັງເມືອງໃຫ້​ພະ​ແນ​ກ ການ, ບ້ານ ແລະ ນັກທຸລະກິດ ທີ່​ນອນ​ໃນ​ເຂດ​ປົກ​ປັກ​ຮັກສາ.
  • ຕັ້ງໜ້າຂຽນ 32 ໂຄງການໃຫ້ສໍາເລັດ ພ້ອມທັງຍາດແຍ່ງການຊ່ວຍເຫຼືອຈາກຕ່າງປະເທດເພື່ອນໍາໃຊ້ເຂົ້າໃນການ ຈັດຕັ້ງປະຕິບັດ.
  • ສືບຕໍ່ປະສານງານ ແລະ ເຮັດວຽກຮ່ວມກັບພາກສ່ວນກ່ຽວຂ້ອງເພື່ອແກ້ໄຂ ຄວາມບໍ່ເປັນລະບຽບໃນເຂດມໍລະດົກໂລກ ແລະ ເຂດອ້ອມຮອບ.
  • ສືບຕໍ່​ຈັດ​ຕັ້ງ​ປະຕິບັດບັນດາ​​ໂຄງການ ຊ່ວຍເຫຼືອໃຫ້​ໄດ້​ຮັບ​ຜົນສຳ​ເລັດ​ຕາມ​ລະດັບ​ຄາດໝາຍ ​ແລະ ມີ​ປະສິດທິ​ຜົນ.
  • ຂໍ້ສະເໜີ: ຄະນະກໍາມະການ ແລະ ພາກສ່ວນກ່ຽວຂ້ອງ ຊ່ວຍຊຸກຍູ້ ການສ້າງຕັ້ງກອງທຶນມໍລະດົກໂລກຂັ້ນທ້ອງຖິ່ນ

ແລະ ກອງປະຊຸມດຳເນີນມາຮອດ ເວລາ 12 :00 ນາທີ ກໍ່ໄດ້ປິດລົງຢ່າງເປັນທາງການ.

kmd2kmd3

 

 

 

“ຫ້ອງການ ມໍລະດົກໂລກ ຫຼວງພະບາງ ຕ້ອນຮັບການຢ້ຽມຢາມ ຂອງນັກສຶກສາ ສະຖາບັນລາວ-ຍີ່ປຸ່ນ ຮ່ວມກັບມະຫາວິທະຍາໄລນາໂກຍາ”

news2-3    news2-3-  ໃນຕອນແລງຂອງວັນທີ່ 02-03-2018 ເວລາ 13:30 ນາທີ ທ່ານ ສະເຫວີຍ ສີລາວັນ ຫົວໜ້າຫ້ອງການ ມໍລະດົກໂລກ ຫຼວງພະບາງ ພ້ອມດ້ວຍຄະນະ ໄດ້ມີການຕ້ອນຮັບການເຂົ້າຢ້ຽມຢາມຂອງ ນັກສຶກສາ ສະຖາບັນລາວ-ຍີ່ປຸ່ນ ຮ່ວມກັບມະຫາວິທະຍາໄລນາໂກຍາ. ເຊີ່ງມີຜູ້ເຂົ້າຮ່ວມທັງໝົດ ຈຳນວນ 14 ຄົນ, ຍິງ 07 ຄົນ.  

       ຈຸດປະສົງ ໃນການເຂົ້າຢ້ຽມຢາມໃນຄັ້ງນີ້ແມ່ນ ເພື່ອຮັບຟັງການບັນຍາຍ ສະພາບລວມ ຂອງຫ້ອງການ ແລະ ສະພາບການປະຕິບັດວຽກງານຕະຫຼອດໄລຍະຜ່ານມາ ທີ່ນຳໃຊ້ເຂົ້າໃນການປົກປັກຮັກສາ ຫຼວງພະບາງ ເມືອງມໍລະດົກໂລກ ເຊິ່ງເຮັດໃຫ້ອັນມີບັນຍາກາດຕົງໄປຕົງມາ ແລະ ແລກປ່ຽນຂໍ້ຄິດເຫັນເພື່ອນຳໄປຜັນຂະຫຍາຍປັບປຸງໃນຂ້າງໜ້າ. ຫຼັງຈາກສຳເລັດການບັນຍາຍແລ້ວ ທ່ານ ສະເຫວີຍ ສີລາວັນ ຫົວໜ້າ ຫ້ອງການ ມໍລະດົກໂລກ ກໍ່ໄດ້ນຳພາ ນັກສຶກສາ ສະຖາບັນລາວ-ຍີ່ປຸ່ນ ຮ່ວມກັບມະຫາວິທະຍາໄລນາໂກຍາ ເຂົ້າມາຢ້ຽມຊົມສູນຂໍ້ມູນຂ່າວສານຂອງຫ້ອງການ. ມາຮອດ ເວລາ 14:30 ນາທີ ກໍ່ໄດ້ສີ້ນສຸດລົງ.

ຮອງຫົວໜ້າກົມກວດກາ ພ້ອມດ້ວຍຄະນະ ລົງເຮັດວຽກຮ່ວມກັບ ຫ້ອງການມໍລະດົກໂລກຫຼວງພະບາງ

kommorladok

ກອງປະຊຸມບັ້ນຂໍ້ແຂ່ງຂັນ 03 ດີ ສະມາຊິກແມ່ຍິງ ຫ້ອງການມໍລະດົກໂລກ ຫຼວງພະບາງ

     ໃນຕອນເຊົ້າຂອງວັນສຸກ ທີ່ 16/02/2018 ເວລາ 08:30 ນາທີ ທີ່ຫ້ອງການມໍລະດົກໂລກ ຫຼວງພະບາງ ໄດ້ຈັດກອງປະຊຸມ ບັ້ນຂໍ້ແຂ່ງຂັນ 03 ດີ ຂອງສະມາຊິກແມ່ຍິງຫ້ອງການມໍລະດົກໂລກຂື້ນ. ໂດຍພາຍໃຕ້ການເປັນປະທານ ຂອງທ່ານ ສະເຫວີຍ ສີລາວັນ, ເລຂາໜ່ວຍພັກ, ຫົວໜ້າ ຫ້ອງການມໍລະດົກໂລກ ຫຼວງພະບາງ. ໃຫ້ກຽດເຂົ້າຮ່ວມກອງປະຊຸມ ໃນຄັ້ງນີ້ມີ: ທ່ານນາງ ບຸນຕາ ສຸລິຍະມາດ ຕາງໜ້າໃຫ້ສະຫະພັນແມ່ຍີງ ແຂວງຫຼວງພະບາງ ພ້ອມດ້ວຍຄະນະ ແລະ ຕາງໜ້າໃຫ້ອົງການຈັດຕັ້ງ ກຳມະບານ, ຊາວໜຸ່ມ, ສະມາຊິກສະຫະພັນແມ່ຍິງ ຫ້ອງການມໍລະດົກໂລກ ກໍ່ໃຫ້ກຽດເຂົ້າຮ່ວມ ລວມທັງໝົດ 14 ຄົນ, ຍິງ 10 ຄົນ. ຈຸດປະສົງ ໃນການຈັດງານໃນຄັ້ງນີ້ ແມ່ນເພື່ອ ເປີດກອງປະຊຸມ ບັ້ນຂໍ້ແຂ່ງຂັນ 3 ດີ ຄັ້ງທີ່ 1 ແລະ ເພື່ອເປັນການຂໍ່ານັບຮັບຕ້ອນ ວັນສ້າງຕັ້ງແມ່ຍີງ ສາກົນ ວັນທີ່ 08/03/2018 ຄົບຮອບ 109 ປີ ທີ່ຈະມາເຖີງນີ້. ໃນທ່າມກາງບັນຍາກາດອັນເບີກບານມ່ວນຊື່ນ ແລະ ເຕັມໄປດ້ວຍຄວາມໝາຍຄວາມສຳຄັນ, ໜັກແໜ້ນ. ເຮັດໃຫ້ທຸກຄົນທີ່ເຂົ້າຮ່ວມ ໄດ້ທັງຄວາມຮູ້ ແລະ ຄວາມສາມັກຄີ, ຫຼັງຈາກສຳເລັດກອງປະຊຸມ ທາງໜ່ວຍສະຫະພັນຍິງ ຫ້ອງການມໍລະດົກໂລກ ກໍ່ໄດ້ຈັດກິດຈະກຳແຂ່ງຂັນກິລາເປຕັງ ແລະ ຮ່ວມພາເຂົ້າສາມັກຄີ. ມາຮອດເວລາ 13:00 ນາທີ ກໍ່ໄດ້ສີ້ນສຸດລົງ.

women

 

ແຈ້ງເຊີນ

ແຈ້ງເຊີນ

ເຖີງ: ບັນດາບໍລິສັດທີ່ປຶກສາ, ບໍລິສັດສຳຫຼວດ-ອອກແບບ, ບໍລິສັດກໍ່ສ້າງ-ສ້ອມແປງ ແລະ ສະຖາບັນການສຶກສາພາຍໃນແຂວງຫຼວງພະບາງ ແລະ ຕ່າງແຂວງ. ຈຸດປະສົງການຈັດເຝິກອົບຮົມ:

1.ເພື່່ອໃຫ້ຮັບຮູ້ປະຫວັດຄວາມເປັນມາ ແລະ ບາງບົດຮຽນໃນການຄຸ້ມຄອງ ເມືອງມໍລະ ດົກໂລກ ຕະຫລອດໄລຍະ 22 ປີ.

2. ປູກຈິດສຳນຶກ ແລະ ສ້າງຄວາມເຂັ້ມແຂງໃຫ້ນັກສະຖາປະນິກ, ນັກວິສະວະກອນ, ທີ່ປຶກສາບໍລິສັດອອກແບບ, ບໍລິສັດກໍ່ສ້າງ-ສ້ອມແປງໃຫ້ເຂົ້າໃຈຮັບຮູ້ ແລະ ມີສ່ວນຮ່ວມ ໃນການປົກປັກຮັກສາມໍລະດົກໂລກ ໂດຍສະເພາະແມ່ນ ກົດລະບຽບແຜນຜັງປົກປັກຮັກສາ ມໍລະດົກໂລກ ແລະ ເຮັດໃຫ້ມີຄຸນຄ່າ (PSMV), ຂັ້ນຕອນການດຳເນີນການສະເໜີຂໍອະນຸ ຍາດປຸກ-ສ້ອມແປງ, ຮູບແບບສະຖາປັດຕະຍະກຳ, ເຕັກນິກການບູລະນະ, ປະຕິສັງຂອນ ຢູ່ໃນເຂດມໍລະດົກໂລກ ແລະ ເຂດປ້ອງກັນ.

Scan doc 2Scan doc 2

 

ໃຫ້ກຳລັງໃຈ ແລະ ຕິດຕາມພວກເຮົາໄດ້ທີ່

faceTwitter

ທ່ານກຳລັງຢູ່ທີ່: ຫນ້າທຳອິດ ເພີ່ມເຕີມ ຂ່າວສານ