LuangPrabang World Heritage

  •  
  •  
  •  

Font Size

Layout

Menu Style

Cpanel

ພິທີ ເປີດການກໍ່ສ້າງ ເດີ່ນທາດຫຼວງ ເປັນສວນສາທາລະນະ ເພື່ອກິດຈະກຳການທ່ອງທ່ຽວແຂວງຫຼວງພະບາງ

 

dernthad3dernthaddernthad2

    ໃນວັນທີ່ 01 ເດືອນ 03 ປີ 2017 ເວລາ 15 ໂມງ 30 ນາທີ ທີ່ເດີ່ນທາດຫຼວງ ແຂວງຫຼວງພະບາງ ໄດ້ມີພິທີ ເປີດການກໍ່ສ້າງ ເດີ່ນທາດ ຫຼວງ ໃຫ້ເປັນສວນສາທາລະນະສຳລະ ຢ່າງເປັນທາງການ ໂດຍພາຍໃຕ້ການເປັນປະທານ ຂອງ ທ່ານ ດຣ ຄຳຂັນ ຈັນທະວີສຸກ ເຈົ້າແຂວງ ຫຼວງພະບາງ ໃນກຽດເຂົ້າຮ່ວພິທີ ມີເຈົ້າເມືອງ ແລະ ຫົວໜ້າພະແນກການ, ຫ້ອງການ ຕະຫຼອດຮອດ ຜູ້ປະກອບການ ທ່ອງທ່ຽວຕ່າງໆ ອ້ອມຂ້າງແຂວງ ເປັນຈຳນວນ 70 ກວ່າທ່ານ.

ຈຸດປະສົງໃນການເປີດການກໍ່ສ້າງ ແມ່ນ ເພື່ອສ້າງເປັນສວນອຸທິຍານ ຮັບໃຊ້ການທ່ອງທ່ອງທ່ຽວພາຍໃນແຂວງ ເຊິ່ງມັນສອດຄ່ອງ ກັບແຜນຍຸດທະສາດຂອງແຂວງ ໃນລຳດັບທີ່ 2 ສ້າງຫຼວງພະບາງໃຫ້ເປັນສວນອຸດທະຍານທີ່ມີຊີວິດຊີວາ, ເປັນເມືອງທີ່ໜ້າຢູ່, ໜ້າປະທັບໃຈ ແລະ ມີສະພາບແວດລ້ອມທີ່ດີ. ພິທີ ໄດ້ດຳເນີນ ໄປຮອດເວລາ 17 ໂມງ 15 ນາທີ ຈຶ່ງສຳເລັດລົງ.

 

 

ການຢ້ຽມຢາມ ຂອງທ່ານ ສຈ.ປອ ບໍ່ແສງຄຳ ວົງດາລາ ລັດຖະມົນຕີ ກະຊວງທະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທີ່ຫ້ອງການມໍລະດົກໂລກ ຫຼວງພະບາງ.

k1k2

ຕອນແລງຂອງ ວັນອັງຄານ ວັນທີ່ 28/02/17, ເວລາ 12:30 ນາທີ ທ່ານ ສະເຫວີຍ ສີລາວັນ ຫົວໜ້າຫ້ອງການ ມໍລະດົກໂລກ ຫຼວງພະບາງ ພ້ອມດ້ວຍຄະນະ ໄດ້ຈັດພິທີຕ້ອນຮັບການຢ້ຽມຢາມຂອງທ່ານ ສຈ.ປອ ບໍ່ແສງຄຳ ວົງດາລາ ນາຍຍົກລັດຖະມົນຕີ ກະຊວງທະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທັງເປັນ ປະທານຄະນະກຳມະການ ລະດັບຊາດ ເພື່ອມໍລະດົກ ພ້ອມດ້ວຍຄະນະ ແລະ ໃຫ້ກຽດເຂົ້າຮ່ວມໃນຄັ້ງນີ້ມີ ທ່ານ ສຸລິທິບ ໜ່ໍ່ຄຸນຜົນ ຫົວໜ້າພະແນກ ຖະແຫຼງຂ່າວວັດທະນະທຳ ແລະ ທ່ອງທ່ຽວ, ອ້າຍເອື້ອຍນ້ອງພະນັກງານ ທັງໝົດພາຍໃນຫ້ອງການ ກໍ່ໃຫ້ກຽດເຂົ້າຮ່ວມ.

ຈຸດປະສົງຂອງການຢ້ຽມຢາມໃນຄັ້ງນີ້ ແມ່ນເພື່ອພົບປະໂອ້ລົມ ອ້າຍເອື້ອຍນ້ອງພະນັກງານຫ້ອງການ ມໍລະດົກໂລກ ຫຼວງພະບາງ, ໃນພິທີ ທ່ານ ສະເຫວີຍ ສີລາວັນ ຫົວຫນ້າຫ້ອງການ ມໍລະດົກໂລກ ຍັງໄດ້ນຳສະເໜີ ສະພາບລວມຂອງຫ້ອງການໂດຍຫຍໍ້ ກ່ຽວກັບວຽກງານການປົກປັກຮັກສາມໍລະດົກໂລກ ໃນໄລຍະຜ່ານມາ. ຫຼັງຈາກນັ້ນ ທ່ານ ນາຍຍົກລັດຖະມົນຕີ ຍັງໄດ້ໃຫ້ທິດຊີ້ນຳ ກ່ຽວກັບເລື່ອງ ການເສີມສ້າງບຸກຄະລາກອນ, ການໂຄສະນາເຜີຍແຜ່ ແລະ ສຶກສາອົບຮົມ ໃຫ້ແກ່ປະຊາຊົນ, ນັກລົງທືນທັງພາຍໃນ ແລະ ຕ່າງປະເທດ ໃຫ້ເຂົ້າໃຈຄວາມໝາຍຄວາມສຳຄັນຂອງການປົກປັກຮັກສາມໍລະດົກໂລກ ຫຼວງພະບາງ ໃຫ້ມີຄວາມຍືນຍົງ. ກອງປະຊຸມດຳເນີນງານມາຮອດເວລາ 1:30 ນາທີ ກໍ່ໄດ້ສີ້ນສຸດລົງຢ່າງເປັນທາງການ.

 

ທ່ານ ເຈມມີ ນູອາລາສ ເອກອັກຄະລັດຖະມູດ ເມັກຊີໂກ ປະຈຳປະເທດໄທ ເຂົ້າຢ້ຽມຢາມຫ້ອງການມໍລະດົກໂລກ ຫຼວງພະບາງ

Thout FR2Thout FR1Thout FR   


ໃນຕອນເຊົ້າຂອງວັນທີ່ 13 ກຸມພາ(02) 2017 ເວລາ 9 ໂມງ 00 ນາທີ່ ທີ່ຫ້ອງການມໍລະດົກໂລກຫຼວງພະບາງ ໄດ້ມີພິທີຕ້ອນຮັບ ທ່ານ ເຈມມີ ນູອາລາສ ເອກອັກຄະລັດຖະທູດ ເມັກຊິໂກ ປະຈຳປະເທດໄທ ນຳພາໂດຍ ທ່ານ ສະເຫວີຍ ສີລາວັນ ຫົວໜ້າຫ້ອງການມໍລະດົກໂລກຫຼວງພະບາງ ພ້ອມດ້ວຍຄະນະ.

ຈຸດປະສົງຂອງການຢ້ຽມຢາມເທື່ອນີ້ແມ່ນເພື່ອສ້າງສາຍຄວາມສຳພັນ ລະຫວ່າງ ເມັກຊີໂກ ແລະ ປະເທດລາວ ກໍ່ຄືຫຼວງພະບາງ ເມືອງມໍລະດົກໂລກໃນພິທີ ທ່ານສະເຫວີຍສີລາວັນຫົວໜ້າຫ້ອງການມໍລະດົກໂລກ ແລະ ທ່ານ ແສງທອງ ລືຢ່າງ ຮອງຫົວໜ້າຫ້ອງການມໍລະດົກໂລກ ກໍ່ໄດ້ຂື້ນຳສະເໜີ ສະພາບລວມຂອງການປົກປັກຮັກສາ ມໍລະດົກໂລກ ໃນໄລຍະຜ່ານມາ ເຊິງທ່ານທູດກໍ່ໃຫ້ຄວາມສົນໃຈ ຕໍ່ກັບສະພາບການປົກປັກຮັກສາມໍລະດົກໂລກຫຼວງພະບາງ ແລະ ທ່ານ ກໍ່ກ່າວສະແດງຄວາມຊົມເຊີຍ ມາຍັງຫ້ອງການມໍລະດົກໂລກ ດີໄດ້ຮ່ວມກັນ ສ້າງສາ ແລະ ພັດທະນາມໍລະດົກໂລກ ໃຫ້ຍືນຍົງ ທັງສອງຝ່າຍໄດ້ແລກປ່ຽນຄວາມຄິດເຫັນຢ່າງກົງໄປກົງມາ ອັນມີບັນຍາກາດອັນຝົດຝື້ນມ່ວນຊື່ນ ພໍ່ໄປຮອດ ເວລາ 11 ໂມງ 00 ນາທີ ຈຶ່ງສຳເລັດໃນການມາຢ້ຽມຢາມ.

 

ຫ້ອງການມະດົກໂລກຫຼວງພະບາງ ຈັດພິທີ ສະຫຼຸບການຈັດຕັ້ງປະຕິບັດການເຄື່ອນໄຫວ ວຽກງານ ຂອງຫ້ອງການມໍລະດົກໂລກປະຈຳປີ 2016

            ໃນຕອນເຊົ້າຂອງວັນທີ 23 ທັນວາ 2016 ເວລາ 9 ໂມງ 00 ນາທີ ທີ່ຫ້ອງການມໍລະດົກໂລກ ໄດ້ສະຫຼຸບການເຄື່ອນໄຫວວຽກງານ ປະຈຳປີ 2016 ໂດຍພາຍໃຕ້ການເປັນປະທານ ຂອງທ່ານ ສະເຫວີຍ ສີລາວັນ ຫົວໜ້າຫ້ອງການມໍລະດົກໂລກຫຼວງພະບາງ ໃຫ້ກຽດເຂົ້າຮ່ວມໃນພິທີ ມີທ່ານ ບຸນຄົງ ຄຸດທ້າວ ຮອງຫົວໜ້າຫ້ອງການມໍລະດົກໂລກຫຼວງພະບາງ, ທ່ານ ແສງທອງ ລືຢ່າງ ຮອງຫົວໜ້າຫ້ອງການມໍລະດົກໂລກ, ມີຫົວໜ້າຂະແໜງການ,ຫົວໜ້າໜ່ວຍງານ ແລະ ອ້າຍເອື້ອຍນ້ອງພະນັກງານພາຍໃນຫ້ອງການກໍ່ໃຫ້ກຽດເຂົ້າຮ່ວມເປັນຈຳນວນ 25 ທ່ານ ຍິງ 9 ທ່ານ ໃນພິທີ ທ່ານ ແສງທອງ ລືຢ່າງ ໄດ້ຂື້້ນຜ່ານບົດລາຍງານການປະຕິບັດການເຄື່ອນໄຫວວຽກງານຕະຫຼອດປີ 2016 ຜ່ານມາ ເຫັນວ່າມີຜົນສຳເລັດໃນຫຼາຍດ້ານ, ໃນພິທີຍັງໄດ້ມອບໃບຍ້ອງຍໍໃຫ້ພະນັກງານຜູ້ທີມີຜົນງານດີເດັ່ນເຂົ້າໃນການຮັກຊາດ ແລະ ພັດທະນາ ຈຳນວນ 2 ທ່ານ ຄື ທ່ານ ນາງ ແສງເພັດ ຄຸດທ້າວ ແລະ ທ່ານ ນາງ ດາລາສະຫວັນ ໃນຕອນທ້າຍ ຂອງພິທີ ທ່ານ ສະເຫີວຍ ສີລາວັນ ຫົວໜ້າຫ້ອງການມໍລະດົກໂລກ ຫຼວງພະບາງ ກໍ່ຂື້ນມີຄວາມເຫັນ ໂອ້ລົມພະນັກງານພາຍໃນຫ້ອງການ ແລະ ໄດ້ຊົມເຊີຍຜົນສຳເລັດວຽກງານຕະຫຼອດ 1 ປີຜ່ານມາ ແລະ ກໍ່ຍົກໃຫ້ເຫັນ ສິ່ງທີ່ທ້າທາຍ ທີຫ້ອງການຈະຕ້ອງປະເຊີນໃນຂ້າງໜ້າ,ສືບຕໍ່ປະຕຶບັດວຽກງານຕາມແຜນການທີໄດ້ວາງໄວ້, ພິທີ ໄດ້ດຳເນີນໄປຮອດ ເວລາ 10 ໂມງ 30 ນາທີຈຶ່ງໄດ້ປິດລົງ.

saloup2016year1 2016year2 2016

 

ຄາດນັກທ່ອງທ່ຽວ ຈະເຂົ້າທ່ຽວຊົມ ເມືອງມໍລະດົກໂລກ 600.000 ກວ່າຄົນ ໃນປີ 2016

tour LPB

ຂ​ປ​ລ ເມືອງ​ມໍ​ລະ​ດົກ​ໂລກ​ ຫລວງ​ພະ​ບາງ ​ຕັ້ງ​ເປົ້າ​ພາຍ​ ໃນ​ປີ 2016 ຈະ​ມີ​ນັກທ່ອງ​ທ່ຽວ​ ຕ່າງ​ປະ​ເທດ​ ຈະ​ເຂົ້າ​ມາ​ທ່ຽວ​ຊົມ​ ພາຍ​ໃນ​ແຂວງ​ຂອງ​ຕົນ ​ປະ​ມານ 600.000 ຄົນ ຂະ​ນະ​ທີ່​ອຳ​ນາດ​ ການ​ປົກ​ຄອງແຂວງ​ດັ່ງ​ກ່າວ ​ເລັ່ງ​ສ້າງ​ສິ່ງ​ອຳ​ນວຍ ​ຄວາມ​ສະ​ດວກ​ ດ້ານ​ຂົນ​ສົ່ງ​ທາງ​ບົກ ທາງ​ອາ​ກາດ ແລະ ສ​ະ​ຖານ​ທີ່​ຮອງ​ຮັບ ​ຢ່າງ​ເຄັ່ງ​ຮ້ອນ ເພື່ອ​ຕອບ​ສະ​ໜອງ ​ຄວາມ​ຕ້ອງ​ການ ​ທີ່​ເພີ່ມ​ຂຶ້ນ​ຢ່າງ​ຕໍ່​ເນື່ອງ.
ພະ​ແນ​ກຖະ​ແຫລງຂ່າວວັດທະນະທຳ ​ແລະ ທ່ອງ​ທ່ຽວ​ ແຂວງ​ຫລວງ​ພະ​ບາງ ລາຍ​ງານ​ຫວ່າງ​ບໍ່​ດົນ​ ມາ​ນີ້ວ່າ​: ​ປີຜ່ານ​ມາ ມີ​ຊາວ​ຕ່າງ​ຊາດ ເຖິງຄົນ​ ທີ່​ເດີນທາງ​ມາ​ທ່ອງ​ທ່ຽວ​ ເມືອງ​ມໍ​ລະ​ດົກ​ໂລກ ​ຫລວງ​ພະ​ບາງ ​ໂດຍ​ເຮັດ​ໃຫ້​ທາງ​ການ ແຂວງ​ຫລວງ​ພະ​ບາງ ມີ​ລາຍ​ຮັບຈາກ​ ອຸດ​ສາ​ຫະ​ກຳ​ທ່ອງ​ທ່ຽວ​ ຫລາຍ​ລ້ານ​ໂດ​ລາ​ ສະ​ຫະ​ລັດ ເຊິ່ງ​ໄດ້​ປະ​ກອບ​ສ່ວນ​ ເຂົ້າ​ໃນ​ການ​ພັດ​ທະ​ນາ ​ເສດ​ຖະ​ກິດ​ສັງ​ຄົມ ແລະ ແກ້​ໄຂ​ຊີ​ວິດ​ ການ​ເປັນ​ຢູ່ຂອງ​ປະ​ຊາ​ຊົນ ​ດີ​ຂຶ້ນ​ເປັນ​ກ້າວ​ໆ ສະ​ເພາະ​ປີ 2016 ນີ້​ ຄາດ​ວ່າ​ຈະ​ມີ​ນັກ​ທ່ອ​ງ​ທ່ຽວ ​ເຂົ້າ​ມາ​ຢ້ຽມ​ຢາມ​ ແຂວງ​ຫລວງ​ພະ​ບາງ ​ເຖິງ 600.000 ຄົນ ພາຍ​ຫລັງ​ ເມືອງ​ມໍ​ລະ​ດົກ​ໂລກ​ ໄດ້​ຄອງ​ແຊັມ ​ເມືອງຍອດ​ນິ​ຍົມ ແລະ ເມືອ​ງ​ປາຍ​ທາງ​ ຂອງ​ການ​ທ່ອງ​ທ່ຽວ​ ໃນ​ໂລກ​ ຕິດ​ຕໍ່​ກັນ​ຫລາຍ​ປີ​ຊ້ອນ ພ້ອມ​ໄດ້​ມີ​ຫລາຍ ​ສາຍ​ການ​ບິນ​ໂດຍ​ກົງ​ ຈາກ​ປະ​ເທດ​ຕ່າງໆ ​ເຂົ້າ​ມາ​ແຂວງ​ຫລວງ​ພະ​ບາງ​ເຊັ່ນ:ແອ​ເອ​ເຊຍແອກາ​ຕ້າ,ເອ​ເມ​ເຣ​ດ,ເອີ​ຣົບ,ເກົາ​ຫລີ,ໄທ,ຫວຽດ​ນາມແລະອື່ນໆ. ແນວ​ໃດ​ກໍ​ດີ ເຈົ້າໜ້າ​ທີ່ແຂວງດັ່ງ​ກ່າວ​ຍັງ​ເປີດ​ເຜີຍ​ຕື່ມວ່າການ​ໄດ້​ຮັບ​ຄວາມ​ນິ​ຍົມ​ ຂອງ​ເມືອງ​ມໍ​ລະ​ດົກ​ໂລກ ຫລວງ​ພະ​ບາງ ນັ້ນແມ່ນ​ເປັນ​ຜົນ​ມາ​ຈາກ​ ຫລາຍ​ປັດ​​ໄຈ​ ໃນ​ດ້ານ​ປະ​ຫວັດ​ສາດ,​ວັດ​ທະ​ນະ​ທຳ ຮີດ​ຄອງ​ປະ​ເພ​ນີ, ວິ​ຖີ​ຊີ​ວິດ ແລະ ທຳ​ມະ​ຊາດ​​ ອັນ​ດັ້ງ​ເດີມ ທີ່​ຕິດ​ພັນ​ກັນ​ ຢ່າງ​ສະ​ໜິດ​ແໜ້ນ. ນອກ​ຈາກ​ນັ້ນ,ແຂວງ​ຂອງ​ຕົນ ​ໄດ້ມີ​ສົນທິສັນຍາ ​ກ່ຽວ​ກັບ​ການ​ປົກ​ປັກ​ຮັກສາ​ ມໍລະດົກຢ່າງ​ເຄັ່ງ​ຄັດ ໃນ​ນັ້ນ ການ​ກໍ່ສ້າງ​ ແລະ ບູ​ລະ​ນະ​ສ້ອມ​ແປງເຮືອນ​ອາຄານວັດ ແລະ ສະ​ຖານ​ທີ່​ຕ່າງໆ​ ພາຍ​ໃນ​ແຂວງ ຕ້ອງ​ໄດ້​ຮັກສາ​ຮີດຄອງ​ ອັນ​ດີງາມ​ຂອງ ​ພໍ່​-ແມ່ປະຊາຊົນ ແລະ ສິ່ງ​ດັ້ງ​ເດີມ​ ທີ່​ເປັນ​ເອ​ກະ​ລັກ​ໄວ້ສະ​ນັ້ນ ຈຶ່ງ​ຖື​ເອົາ​ວຽກ​ງານ​ການ​ສຶກສາ​ອົບຮົມ​ແລະໃຫ້​ຄວາມ​ຮູ້​ຕໍ່ປະຊາຊົນ​ໃນທົ່ວ​ແຂວງ​​ເປັນ​ສຳຄັນ. ປີ 2015 ວາ​ລະ​ສານ (Wanderlus Magazine)​ເຊິ່ງ​ເປັນວາລະສານ ດ້ານ​ການທ່ອງທ່ຽວ ​ຊັ້ນນຳຂອງ​ໂລກ ​ໃນ​ປະ​ເທດ​ອັງກິດ ​ລາຍ​ງານ​ວ່າ: ບັນດາ​ສະມາຊິກ​ ຂອງ​ວາລະສານ ​ໄດ້​ຈັດ​ໃຫ້​ເມືອງ​ມໍລະ​ດົກ​ໂລກ ຫລວງ​ພະ​ບາງ ​ເປັນ​ເມືອງ​ທີ່​ໜ້າ​ທ່ອງ​ທ່ຽວ ​ທີ່​ສຸດ​ອັນ​ດັບ 1 ຂອງ​ໂລກ​ ໃນ​ປີນີ້​ ດ້ວຍ​ຄະ​ແນນ ທີ່​ຄິດ​ເປັນ​ອັດຕາ​ ສະ​ເລ່ຍ 97,14% ຂອງ​ຈຳນວນ​ ສະມາຊິກ​ທັງ​ໝົດ ທີ່​ໄດ້​ປະກອບ​ຄວາມ​ເຫັນ ​ເຂົ້າໃນ​ການ​ສຳ​ຫລວດ ​ເມື່ອ​ທ້າຍ​ປີ​ທີ່​ຜ່ານ​ມາ, ສ່ວນອັນ​ດັບ​ທີ 2 ​ແລະ​ 3 ກໍຄື​ເມືອງ​ພຸກາມ​ ໃນ​ສະຫະພາບ​ ມຽນມາ ​ແລະ ນະຄອນຫລວງ​ປະ​ເທດ​ສະ​ວີ​ເດັນຕາມ​ສະ​ຖິ​ຕິ​ ຂອງ​ກະ​ຊວງ​ຖະ​ແຫລງ​ຂ່າວວັດ​ທະ​ນະ​ທຳ ແລະ ທ່ອງ​ທ່ຽວ​ ລາຍ​ງານ​ວ່າ ​​ປີ 2015 ຜ່ານ​ມາ​ນັກ​ທ່ອງ​ທ່ຽວ​ ເຂົ້າ​ທ່ຽວ​ຊົມ ສ​ປ​ປ ລາວ ​ປະ​ມານ 4 ລ້ານກວ່າ​ຄົນ ແລະ ຄາດ​ວ່າ​ ຈຳ​ນວນນັກ​ທ່ອງ​ທ່ຽວ ​ຈະ​ເພີ່ມ​ຂຶ້ນ​ຕື່ມ​ອີກ ເນື່ອງ​ຈາກວ່າ ສ​ປ​ປ ລາວ ​ເປັນ​ປະ​ເທດ​ ມີ​ຄວາມ​ສະ​ຫງົບ​ສຸກມີ​ສະ​ຖານ​ທີ່​​ດ້ານ ປະ​ຫວັດ​ສາດ,​ວັດ​ທະ​ນະ​ທຳ ແລະ ທຳ​ມະ​ຊາດ ​ດັ້ງ​ເດີມ ແລະ ອື່ນໆ.

ໂດຍ: ຂປລ http://kpl.gov.la/

ໃຫ້ກຳລັງໃຈ ແລະ ຕິດຕາມພວກເຮົາໄດ້ທີ່

faceTwitter

ທ່ານກຳລັງຢູ່ທີ່: ຫນ້າທຳອິດ ເພີ່ມເຕີມ ຂ່າວສານ