LuangPrabang World Heritage

  •  
  •  
  •  

Font Size

Layout

Menu Style

Cpanel

ພິທີບາສີສູ່ຂັວນ

ການ​ບາສີ​ ແລະ ສູ່ຂັວນ ​ແມ່ນໜຶ່ງ​ໃນ​ມໍລະດົກ​ທາງ​ດ້ານ​ຈິດ​ໃຈ​ ຂອງ​ຄົນ​ລາວທົ່ວ   ປະ​ເທດ​​ ໂດຍ​ສະ​ເພາະ​ແມ່ນ​ ຊາວຫຼວງພະ​ບາງ​ ເຊິ່ງ​ເຄີຍ​ປະຕິບັດ​ກັນ​ມາ​ ແຕ່​ບູຮານ​ນະ​ການ​ສິ່ງ​ດັ່ງ​ກ່າວ​ນີ້​ ແມ່ນ​ການສະ​ແດງ​ເຖິງ​ ໄມຕີ​ຈິດ​ມິດຕະພາບ ຄວາມ​ຮັກ​ແພງ ​ຄວາມ​ເປັນ​ຫ່ວງ​ເປັນ​ໄຍ ສ້າງ​ຄວາມ​ຜູກ​ພັນ​ ທາງ​ດ້ານ​ຈິດ​ໃຈ​ ປູກ​ຈິດ​ສຳນຶກ​ສຳລັບ​ແຂກ​ຄົນ​ ຜູ້​ທີ່​ໄດ້​ຮັບ​ການ​ບາສີ​ນັ້ນ ມີ​ຄວາມ​ກະຕືລືຫຼົ້ນ ຕໍ່​ເຈົ້າຂອງ​ບ້ານ​ ເຈົ້າຂອງ​ເຮືອນ; ການ​ບາສີ​ນີ້​ ແມ່ນ​ສຳລັບ​ແຂກ​ທີ່​ມາ​ຢາມ​ເຮືອນ ຫຼື ສະມາຊິກ​ພາຍ​ໃນ​ຄອບຄົວ ​ຈະ​ເດີນທາງ​ໄກ​ ເປັນ​ໄລຍະ​ເວລາ​ອັນຍາວ​ນານ. ນອກ​ນີ້, ຍັງ​ໃຊ້​ພິທີ​ບາສີ​ ໃນ​ເວລາ​ແຕ່ງ​ດອງ, ​ໃນ​ເວລາ​ຂື້ນ​ເຮືອນ​ໃໝ່, ວັນ​ສັງຂານ​ຂື້ນປີ​ໃໝ່, ການ​ຮັບ​ໃພ້​ຮັບ​ເຂີຍ ​ແລະ ອື່ນໆ.

          ສຳລັບ​ການ​ສູ່​ຂັວນ ຈະ​ມີ​ຄວາມ​ແຕກ​ຕ່າງ​ຈາກ​ ການ​ບາສີ​ເລັກ​ນ້ອຍ ​ດ້ວຍ​ເຫດ​ວ່າ ການ​ສູ່​ຂັວນ ​ແມ່ນ​ເຮັດ​ສຳລັບ​ຄົນ​ ທີ່​ຫາຍ​ຈາກ​ການ​​ເຈັບ​ເປັນ, ຜູ້​ທີ່​ພົ້ນຈາກ​ເຄາະ​ຮ້າຍ ​ແລະ ພົ້ນຈາກ​ອຸປະຕິ​ເຫດ​ອື່ນໆ ​ເພາະວ່າ​ ການ​ສູ່​ຂັວນນີ້​ ເພິ່ນ​ຈະ​ໄດ້​ສູດ​ຂັວນສາກ່ອນ​ ໂດຍ​ແມ່ນ​ຄູບາ​ອາຈານ ​ຢູ່​ວັດ ຫຼື ໝໍມົນໝໍຜີ​ຕ່າງໆ ທີ່​ໄປ​ນຳ​ເອົາຂວັນ​ຢູ່​ເທິງ​ຟ້າ, ​ເທິງ​ແຖນ ຫຼື ຂວັນຫຼົງ ຢູ່​ກາງ​ປ່າ​ກາງ​ດົງ​ມາ ​ແລ້ວ​ກໍ່ຂ້າໝູ ຂ້າ​ໄກ່​ ແລະ ສູ່​ເອົາຂັວນ.

  • ສຳລັບ​ເຄື່ອງ​ປະກອບ​ການ​ບາສີ​ມີ​: ຝ້າຍ​ຂາວ,​ ເຂົ້າຕົ້ມ​, ເຂົ້າໜົມ, ກ້ວຍ, ​ໄກ່,​ ໄຂ່,​ເຫຼົ້າກ້ອງໜຶ່ງ, ພຸ່ມດອກ​ໄມ້​, ໝໍພອນ​ ແລະ ​ປະກອບ​ມີ​ເຖົ້າ​ແກ່​ຍິງ​ຊາຍ.

  • ການ​ສູ່​ຂັວນປະກອບ​ມີ​: ເຂົ້າຕົ້ມ, ​ເຂົ້າໜົມ, ໝູ,​ ໄກ່, ນ້ຳຕົ້ມ​ໄກ່,​ ເຫຼົ້າ, ຂັນໝາກ​ເຂົ້າສານ​, ໝໍທາມ ​ແລະ ບັນດາ​ຜູ້​ເຖົ້າຜູ້​ແກ່, ຊາວບ້ານ​ພີ່ນ້ອງ​ທີ່​ໃກ້ຊິດ​ເພື່ອນ​ມິດ​ສະ ຫາຍ​ທຸກ​ທົ່ວໜ້າ​ເຂົ້າຮ່ວມ​ນຳ.

.

 

Add comment


Security code
Refresh

ທ່ານກຳລັງຢູ່ທີ່: ຫນ້າທຳອິດ ແຫລ່ງມໍລະດົກ ມໍລະດົກທາງດ້ານວັດທະນະທຳ ພິທີບາສີສູ່ຂັວນ